Tamakkiisumik aningaasaliissutit
Tamakkiisumik aningaasaliissutit tassaapput tunisassiortut nunaqavissut tunisassiornerminni atortussaminnik pisinerat pigeriikkaminnik tunisinerat ilanngaatigalugu.
Titartagaq 1-imi takuneqarsinnaavoq aningaasaliissutit ukioq 2003-mit 2011-imut qanoq ineriartorsimanerat. Matumani immikkut maluginiagassaavoq uuliasiulersinnaanermi aatsitassarsiulersinnaanermilu misissueqqissaarnermi aningaasaliinerit ukiuni kingullerni qaffariarujussuarsimanerat. Taamaasillutik taakkununnga 2011-imi aningaasaliinerit 5.758 mio. kr.-iupput.
Titartagaq 1. Tamakkiisumik aningaasaliissutit 2003-2011, akit ingerlaavartut
Malugiuk.: 2003-2008-mi kisitsisit inaarutaasuupput, 2009-2011-mili kisitsigallarnerullutik.
Najoqqutaq: Naatsorsueqqissaartarfik